Per survegnir access a l'Edifizi dal parlament dovran collavuraturas e collavuraturs da medias da princip in'accreditaziun u ina legitimaziun d'access. Tut las infurmaziuns e tut ils documents chattais Vus sutvart. Il fegl d'infurmaziun per collavuraturas e collavuraturs da medias infurmescha Vus davart las reglas da gieu en il parlament.

Accreditaziuns da di

Infurmaziun impurtanta:
Pervia da la pandemia da corona na vegnan actualmain emessas naginas accreditaziuns dal di!

Per survegnir in'accreditaziun dal di stuais Vus As annunziar almain 3 uras ordavant tar la Secziun Infurmaziun dals Servetschs dal parlament.
Talun d’annunzia Accreditaziuns da di

Sche la dumonda na vegn betg inoltrada almain 3 uras ordavant, ston ins far quint cun in temp da spetga pli lung. Las collavuraturas ed ils collavuraturs da medias che han basegn d'access, ston pudair s'identifitgar cun ina carta da pressa.

Legitimaziun permanenta C1

Per survegnir in legitimaziun permanenta C1 (access senza preannunzia) stuais Vus inoltrar la dumonda sutvart almain 3 emnas ordavant tar la Secziun Infurmaziun dals Servetschs dal parlament. Quest access è resalvà a collavuraturas e collavuraturs da medias che dovran en il rom da lur contribuziuns schurnalisticas regularmain access (almain 12 access durant la durada da la valaivladad) a l'Edifizi dal parlament.
Talun d’annunzia per in legitimaziun permanenta C1

Accreditaziun permanenta (Legitimaziun permanenta C)

La Secziun Infurmaziun dals Servetschs dal parlament na dat naginas accreditaziuns permanentas. Per accreditaziuns permanentas è responsabla la Chanzlia federala.