L'onn 1848 è in term impurtant per la Svizra. Igl è l'onn, en il qual la nova Constituziun è vegnida deliberada ed en il qual il conflict tranter ils chantuns liberals ed ils chantuns conservativs-catolics è vegnì schlià.
La nova Constituziun è stada il fundament per il stadi federal che ha substituì il stadi federativ dals chantuns da fin quella giada. Tras ella è il nov parlament – l'Assamblea federala – daventà la «pussanza suprema da la Confederaziun».
L'onn 2023 festivain nus il giubileum da 175 onns Svizra moderna. Quest giubileum è la chaschun per guardar enavos sin in temp turbulent che chatta mintgatant memia pauca attenziun en l'istorgia da noss pajais. Las festivitads che han lieu durant l'entir onn, cuntanschan lur punct culminant ils 12 da settember, il di da l'entrada en vigur da la Constituziun dal 1848.
1848, ina istorgia nunditga
