L'onn 2023 festivain nus il giubileum da 175 onns Svizra moderna. Festivai cun nus!

L'onn 1848 è in term impurtant per la Svizra. Igl è l'onn, en il qual ina nova Constituziun è vegnida deliberada ed en il qual il conflict tranter ils chantuns liberals ed ils chantuns conservativs è vegnì schlià. La Constituziun da l'onn 1848 è la basa per la Svizra, sco che nus l'enconuschain oz.

Nus As envidain ad in tur da giubileum tras l'edifizi dal parlament. Vus visitais il Cussegl naziunal ed il Cussegl dals chantuns sco er la halla a cupla e la sala dals pass pers. En lieus centrals da la politica naziunala vegnis Vus a savair sin in viadi tras il temp co che la Svizra moderna è vegnida stgaffida l'onn 1848 e co ch'ella è sa sviluppada durant ils ultims 175 onns. Nua duai il viadi ir? Discutai cun nus. Nus ans legrain da Vossa visita!

INFURMAZIUNS E RESERVAZIUN

Reservaziuns pudais Vus far mo online, il pli baud 180 dis avant la visita planisada.

Las visitas guidadas èn gratuitas e duran 60 minutas. 

La grondezza da las gruppas è limitada a max. 30 persunas. 

En cas da dumondas As drizzai per plaschair a la suandanta adressa d’e-mail: parlamentsbesuche@parl.admin.ch


A LA PLATTAFURMA DA RESERVAZIUN PER PERSUNAS SINGULAS
A LA PLATTAFURMA DA RESERVAZIUN PER GRUPPAS