L'edifizi dal parlament sa chatta en la citad veglia da Berna, a la Plazza federala 3. La cupla verd-aurada ves'ins gia dalunsch.

 

Viadi cun il tren

Davent da la staziun avais Vus 10 minutas a pe fin a l'edifizi dal parlament. Giai da la plazza da la staziun a sanestra en la Spitalgasse. Suandai la Spitalgasse fin al Bärenplatz. Là stuais Vus ir a dretga en direcziun da la Plazza federala. A dretga ed a sanestra da la Chasa federala maina ina stgala giu tar la Terrassa federala e tar l'entrada per visitaders.

 

Viadi cun l'auto

La proxima chasa da parcar sa chatta dasper il Casino en la Kochergasse 1. Da là arrivais Vus en 5 minutas a pe tar l'edifizi dal parlament. Suandai la Kochergasse en direcziun Bundesgasse/Plazza federala. A dretga ed a sanestra da la Chasa federala maina ina stgala giu tar la Terrassa federala e tar l'entrada per visitaders.