Qua chattais Vus tut las infurmaziuns impurtantas per la visita da l'edifizi dal parlament ordaifer las sessiuns.

 

Access​

​Vus pudais entrar en l'edifizi dal parlament unicamain en il rom d'ina visita guidada.

 

Custs e durada

​Las visitas guidadas èn gratuitas e duran maximalmain 60 minutas.

 

​Entrada per visitaders

L'entrada per visitaders è cuntanschibla via la Terrassa federala. Sin la terrassa arrivais Vus nà da la Plazza federala via las stgalas a dretga u a sanestra da la Chasa federala. Charrotschas d'uffants ston vegnir deponidas a l'entrada per visitaders.

 

Visita en sutga cun rodas

Visitadras e visitaders en sutga cun rodas utiliseschan p.pl. l'entrada nord a la Plazza federala.

 

Visita cun impediment da la vesida

Per visitadras e visitaders cun in impediment da la vesida stat a disposiziun ina descripziun curta da l'edifizi dal parlament en scrittira da Braille.

 

Controlla da segirezza

Resguardai p.pl. che tut las visitadras e tut ils visitaders a partir da 16 onns ston deponer tar la controlla da segirezza ina legitimaziun uffiziala e far ina controlla da segirezza a maun d'in detectur da metal.

 

Fotografar e filmar

Durant la visita guidada dastga vegnir fotografà, filmar è però scumandà.

 

Apero en il Grand Café Galerie des Alpes

Suenter las visitas guidadas (gruppas) che cumenzan a las 16.00 (glindesdi – venderdi) datti la pussaivladad da far ina reservaziun per il Grand Café des Alpes. Per infurmaziuns e reservaziuns As drizzai p.pl. directamain a:

Telefon +41 31 312 94 01

galeriedesalpes@zfv.ch

 

Contact ed annunzia per visitas guidadas ordaifer las sessiuns

En cas da dumondas e per annunzias en connex cun visitas guidadas stain nus gugent a Vossa disposiziun: glindesdi-venderdi da las 09.00–11.00 e da las 14.00–16.00.

Vus ans cuntanschais via:

Telefon +41 58 322 90 22

Mail parlamentsbesuche@parl.admin.ch