Infurmaziun impurtanta

Per che las reglas d’igiena e da distanza dal UFSP possian vegnir observadas, n’èn pussaivlas naginas visitas en gruppas durant la sessiun d’atun.
Für Einzelpersonen stehen 30 Plätze zur Verfügung, die reserviert werden müssen:
 

Freitag, 25. September 2020

Vus vulais esser directamain da la partida, cura ch'i vegn debattà en il Cussegl naziunal ed en il Cussegl dals chantuns? Durant las sessiuns avais Vus la chaschun da persequitar en directa las discussiuns e las votaziuns en las salas dals Cussegls. Cun ina legitimaziun valaivla che Vus stuais deponer tar la controlla da segirezza essas Vus da la partida.

Persunas singulas

I stattan a disposiziun plazzas per persunas singulas. Las plazzas pon vegnir reservadas il pli baud in’emna avant il cumenzament da la sessiun. Reservar per telefon n’è betg pussaivel.

Colliaziun a la plattafurma da reservaziun

Reservaziun da la tribuna per gruppas

Da nov è la reservaziun gratuita da Vossas plazzas da tribuna per visitas da gruppas pussaivla exclusivamain online via la colliaziun sutvart. La colliaziun As maina directamain sin nossa pagina da reservaziun, nua che Vus chattais ils dis ed ils temps anc libers. Cun paucs clics pudais Vus reservar plazzas per las sessiuns gia dadas liber: selecziunar la sessiun giavischada, endatar la data ed il temp, metter en il chanaster da rauba il dumber da plazzas da tribuna (10-40) giavischà e terminar la reservaziun tenor las indicaziuns. La reservaziun cumpiglia la visita sin tribuna e sin dumonda in'ura da dumondas cun in commember da las Chombras federalas e/u in'occurrenza d'infurmaziun en la halla a cupla. Uschespert ch'ina reservaziun è terminada, survegnis Vus in e-mail da conferma cun tut las infurmaziuns necessarias.

Colliaziun a la plattafurma da reservaziun

Sche Vus avais dumondas en connex cun la nova reservaziun online u cun ina visita durant la sessiun, As drizzai p.pl. a la suandanta adressa: sessionsbesuche@parl.admin.ch

Gruppas

A gruppas da 10 – 40 persunas recumandain nus da s'annunziar almain 10 mais ordavant. Il di da la visita ston tut ils commembers da la gruppa deponer ina legitimaziun uffiziala tar la controlla da segirezza. Per pudair prender plazza ad uras sin las tribunas malgrà las mesiras da segirezza, supplitgain nus las gruppas da visitaders da sa radunar a l'entrada per visitaders (vart da la Terrassa federala) 30 minutas avant che cumenza lur temp sin tribuna reservà.

Attenziun: las sesidas dals Cussegls pon excepziunalmain er ir a fin pli baud che previs. A plazzas sin tribuna reservadas per uras marginalas na po en quel cas betg pli vegnir recurrì.

Ura da dumondas ed occurrenza d'infurmaziun en la halla a cupla

Gruppas han la pussaivladad da far in'ura da dumondas cun in commember da las Chombras federalas (30 minutas). La persuna responsabla per la gruppa contactescha per quest intent in commember da las Chombras federalas e communitgescha ses num als Servetschs dal parlament il pli tard duas emnas avant che cumenza la sessiun.

Sin giavisch pon gruppas s'annunziar supplementarmain per in'occurrenza d'infurmaziun (30 minutas) en la halla a cupla. Là las infurmescha in commember dal team Servetsch per visitaders a moda pli detagliada davart il manaschi dal parlament, explitgescha l'istorgia e la simbolica da la chasa e respunda a dumondas.

A partir da la sessiun d’enviern 2022 fin e cun la sessiun d’atun 2023 purschain nus la visita guidada tras la halla a cupla per gruppas er en rumantsch.

I n'è betg pussaivel da reservar sulettamain in'ura da dumondas/in'occurrenza d'infurmaziun senza visitar la tribuna d'aspectaturs.

Temps da las sesidas

Cussegl naziunal

DisUrari
Glindesdi:14.30 – 19.00
Mardi:08.00 – 13.00
Mesemna:08.00 – 13.00 e 15.00 – 19.00
Gievgia:08.00 – 13.00 e la 3. emna 15.00 – 19.00
Venderdi:08.00 – 09.00 (sulettamain la 3. emna; votaziuns finalas)

Cussegl dals chantuns

DisUrari
Glindesdi:16.15 – 20.00 (1. emna); 15.15 – 20.00 (2. e 3. emna)
Mardi:08.15 – 13.00
Mesemna:08.15 – 13.00 e 15.00 – 19.00
Gievgia:08.15 – 13.00 e la 3. emna 15.00 – 19.00
Venderdi: 08.15 – 08.30 (sulettamain la 3. emna; votaziuns finalas)

Ils temps da las sesidas precis vegnan publitgads duas emnas avant la sessiun en il program da la sessiun.