Infurmaziun
Pervia da Pasca vegnan fatgas naginas visitas guidadas ils 29 ed ils 30 da mars.

Ordaifer il temp da sessiun purschain nus regularmain visitas guidadas gratuitas tras la Chasa federala. As laschai manar da nossas guidas e da noss guids en il mund dal parlament: en la halla a cupla, en las salas dals Cussegls u en la sala dals pass pers – i dat d'udir ina massa fatgs interessants davart il manaschi dal parlament e l'istorgia da la Chasa federala.

Persunas singulas e gruppas fin 9 persunas

Las visitas guidadas gratuitas han lieu durant il di e nus las purschain il temp senza sessiun (mardi fin sonda) en 4 linguas e per regla ils suandants temps:

DIS​UrariLINGUAS
MARDI
​11h30
15h00

franzos
tudestg

MESEMNA ​11h30
15h00
franzos
tudestg
GIEVGIA​11h30
15h00

franzos
tudestg

VENDERDI11h30
15h00

franzos
tudestg

SONDA​11h30
14h00
15h00
16h00
​franzos
talian
tudestg
englais

Reservaziuns

Las visitas guidadas èn gratuitas e duran maximalmain 60 minutas.

Pudais Vus far las reservaziuns online, il pli baud trais dis avant la visita.

Per visita guidada stattan a disposiziun 30 plazzas. Suenter la reservaziun retschavais Vus immediatamain in mail da conferma cun il bigliet d’entrada per il dumber da persunas inditgà.

Sin la pagina da reservaziun cumparan unicamain las visitas dals proxims trais dis. Sche naginas visitas guidadas n’han lieu durant quests dis, resta la fanestra da reservaziun vida.

Nus As supplitgain da preschentar Voss bigliet d’entrada al spurtegl d’infurmaziun che sa chatta a sanestra da l’entrada per visitaders il pli tard 20 minutas avant che la visita guidada cumenza. Tut las visitadras e tut ils visitaders a partir da 16 onns ston deponer tar la controlla da segirezza ina legitimaziun uffiziala (carta d’identitad, passaport).

Cambio formato

Durant las sessiuns da las Chombras federalas na purschain nus naginas visitas guidadas.

parlamentsbesuche@parl.admin.ch

Gruppas a partir da 10 persunas

Reservaziuns

Las visitas guidadas gratuitas han lieu durant il di e nus las purschain il temp senza sessiun (mardi fin sonda) en 4 linguas (tudestg, franzos, talian, englais).

Las visitas guidadas èn gratuitas e duran maximalmain 60 minutas. Vus pudais reservar ina visita guidada il pli baud in mez onn (resp. 180 dis) ordavant. Suenter che Vus avais fatg la dumonda da reservaziun, survegnis Vus immediatamain ina conferma d'entrada. Sche Vossa dumonda vegn permessa, survegnis Vus ina conferma inclusiv il bigliet per e-mail.

Per visita guidada stattan a disposiziun 30 plazzas. Per ina visita guidada è la grondezza minimala d'ina gruppa 10 persunas. Sche main che 10 persunas vegnan, n'ha la visita guidada betg lieu.

Sch'ina gruppa n'ha betg reservà tut las plazzas per in tschert spazi da temp, èn las plazzas restantas visiblas sin la plattafurma da reservaziun.

Ultra da quai cumpara la lingua che l'emprima gruppa ha tschernì ed il tip da questa gruppa. Las plazzas restantas pon vegnir reservadas mo, sche Vossa gruppa discurra la medema lingua ed è da medem gener. La visita guidada sa drizza adina tenor las indicaziuns da l'emprima reservaziun per il spazi da temp.

Resguardai per plaschair che la plattafurma da reservaziun mussa mo las datas che stattan a disposiziun per visitas guidadas durant il proxim mez onn (resp. ils proxims 180 dis). Sch'i n'ha betg lieu ina visita guidada, na cumpara la data betg sin la glista.

INFURMAZIUNS PER L'ACCESS 

Las persunas ch'èn responsablas per la gruppa vegnan supplitgadas da s'annunziar 30 minutas avant che la visita guidada cumenza cun il bigliet e cun l'entira gruppa tar il persunal da segirezza (entrada sid da la terrassa federala). Il bigliet sto vegnir preschentà sin palpiri, sin smartphone u sin tablet. 

Tut las visitadras e tut ils visitaders da 16 onns u dapli vegnan suttamess ad ina controlla d'identitad e ston preschentar in document d'identitad uffizial al persunal da segirezza. Sco documents d'identitad uffizials valaivels cun fotografia valan: passaport, carta d'identitad (da la Svizra e da pajais da la UE), permiss da manischar (da la Svizra e dals pajais da la UE), legitimaziun svizra da persunas estras.

Lura suonda la controlla tecnica da segirezza cun agid d'in detectur da metal per persunas e d'ina radiografia per chaussas prendidas cun sai. 

La purschida durant las sessiuns da las Chombras federalas chattais Vus qua.

Sche Vus avessas d'avair ulteriuras dumondas u sche Vus vulessas midar Vossa reservaziun, contactai per plaschair la suandanta adressa dad e-mail: parlamentsbesuche@parl.admin.ch