Program
Sonda, ils 25 da zercladur 2022, da las 9.00 fin las 17.00 (access fin las 16.00), entrada libra.
A partir da 16 onns sto vegnir preschentada la carta d'identitad u il passaport.
En cas da grondas fullas ston ins quintar cun temps da spetga tar la controlla da segirezza.
Visitar libramain l'edifizi dal parlament
Scuvri en moda independenta la sala dals pass pers, la halla a cupla, la sala dal Cussegl naziunal e la sala dal Cussegl dals chantuns. Chargiai l'app «Guid audiovisual, Chasa federala» sin Voss smartphone e tadlai bleras istorgias captivantas. U dumandai las guidas ed ils guids dals Servetschs dal parlament al lieu. Ellas ed els As pon raquintar bleras chaussas interessantas davart il manaschi dal parlament, l'edifizi e sia architectura.
Gir dals urs
Nua chattan ins la citad ed il chantun Berna en l'edifizi dal parlament? Suandai ils fastizs da l'urs bernais cun collavuraturas e collavuraturs dals Servetschs dal parlament (durada ca. 30 min.). Il lieu da rimnada è la recepziun a l'entrada dals visitaders.
Tudestg: a las 10.00 / 13.00 / 15.00
Franzos: a las 11.00 / 14.00
Talian: a las 12.00
Maximalmain 30 persunas per visita guidada.
Annunzia al lieu.
Quiz al stan d'infurmaziun
Giai a la tschertga da simbols bernais en l'edifizi dal parlament.
Pitschens premis As spetgan.
09.00 – 17.00
Cafeteria
La cafetaria en il «Zeitungszimmer» è averta.
Giudai «buntads da Berna» en in ambient elegant.
Exposiziun «Materia Helvetica»
En l'edifizi dal parlament vegn actualmain mussada in'exposiziun davart las materias primas mineralas da la Svizra. L'exposiziun «Materia Helvetica» po vegnir visitada libramain durant il di da las portas avertas.
Vegni sperasvi – nus ans legrain da Vossa visita!
