La Biblioteca dal parlament è il center da cumpetenza per dumondas e l’istorgia davart il parlament. Ella archivescha e preschenta la memoria da l’Assamblea federala. Uschia promova e sustegna ella la perscrutaziun academica da l’Assamblea federala. Perquai metta ella a disposiziun tut sias funtaunas che porschan infurmaziun.

 

La Biblioteca dal parlament è er responsabla per l’acquisiziun, la cataloghisaziun, l’indexaziun da las infurmaziuns davart il parlamentarissem. Ella resumescha e transmetta las infurmaziuns giavischadas a moda segira e d’ina auta qualitad ch’èn necessarias per la lavur dal parlament, per ses organs, per ses represchentants e per ils Servetschs dal parlament. Ord vista da la scienza e da l’infurmaziun participescha ella cun contribuziuns scientificas al svilup dal sistem d’infurmaziun da l’Assamblea federala.