La Delegaziun per las relaziuns cun il parlament austriac (Del-A) è il pendant tar la Gruppa parlamentara Austria-Svizra che vegn actualmain presidiada dal deputà dal Nationalrat austriac Norbert Sieber (ÖVP, Bregenz). La Gruppa parlamentara Austria-Svizra sa cumpona da diesch ulteriuras commembras ed ulteriurs commembers da tut las partidas dal Nationalrat austriac sco er d'in commember dal Bundesrat austriac.

Cun l'intent da stabilir e da tgirar ina rait da relaziuns han lieu scuntradas regularas tranter parlamentarias e parlamentaris da la Svizra e da l'Austria. Ultra da discurs da lavur sin plaun politic stattan savens er visitas da firmas e d'interpresas u scuntradas cun represchentantas e represchentants da l'economia, da la societad e da la scienza sin il program.

Quest dialog cuntinuant permetta a las commembras ed als commembers da la delegaziun da tractar temas regiunals, naziunals ed internaziunals cumplexs cun lur collegas austriacs ed – en cas da conflicts – da discussiunar soluziuns pussaivlas directamain cun las persunas che prendan las decisiuns. Uschia po la diplomazia parlamentara cumplettar las activitads diplomaticas da l'executiva ed extender il spazi d'agir. Ultra da quai gida il dialog a chapir meglier ils process da la politica interna en ils dus pajais.

Commembers

 

Secretariat da la delegaziun

​Funcziun​Num​Telefon/E-Mail
Secretaria da la delegaziunMyriam Bertsch del.oesterreich@parl.admin.ch