Responsabladad

Malgrà ch'ils Servetschs dal parlament fan gronda attenziun a l'extactadad da las infurmaziuns publitgadas, na pon els surpigliar nagina responsabladad concernent la correctadad dal cuntegn, l'exactadad, l'actualitad e la cumplettezza da questas infurmaziuns.

Per la correctadad dals cuntegns da terzas partidas na surpiglian ils Servetschs dal parlament nagina responsabladad. Pervia dal copyright na pon tals cuntegns betg vegnir modifitgads dals Servetschs dal parlament. La funtauna ed ils auturs da cuntegns esters vegnan visiblamain marcads sco tals dals Servetschs dal parlament.

Ils Servetschs dal parlament sa resalvan expressivamain il dretg da modifitgar u stizzar l'entir u parts dal cuntegn da la pagina-web u da suspender temporarmain la publicaziun, e quai senza preavis. 

Ils Servetschs dal parlament excludan tutta responsabladad en cas da donns materials u immaterials chaschunads tras l'access a las infurmaziuns publitgadas u tras l'utilisaziun resp. la nunutilisaziun da quellas, tras il diever abusiv da la colliaziun u tras disturbis tecnics. 


Renviaments e colliaziuns

Ils renviaments e las colliaziuns a paginas-web da terzs sa chattan ordaifer il champ da responsabladad dals Servetschs dal parlament. L'access a talas paginas-web e lur consultaziun succedan sin l'agen ristg da l'utilisader/l'utilisadra. Ils Servetschs dal parlament explitgan expressivamain da n'avair nagina influenza sin la concepziun, il cuntegn e las purschidas da las paginas colliadas. Las infurmaziuns ed ils servetschs da paginas-web colliadas èn cumplainamain en la responsabladad da lur auturs. 

Ils Servetschs dal parlament refuseschan tutta responsabladad per talas paginas-web.


Protecziun da datas

1. Infurmaziuns generalas

Vossas datas èn per nus ina chaussa da confidenza. Natiralmain releveschan ils Servetschs dal parlament mo las datas persunalas ch'èn absolutamain necessarias per ademplir lur incumbensas (spargnar datas). Las datas arcunadas vegnan administradas cun quità e protegidas cunter abus da tut gener.
Sa basond sin l'artitgel 13 da la Constituziun federala svizra e sin las disposiziuns dal dretg da protecziun da datas da la Confederaziun ha mintga persuna il dretg da protecziun da sia sfera privata sco er il dretg da protecziun cunter l'abus da sias datas persunalas. Ils Servetschs dal parlament observan questas disposiziuns sin lur paginas d’internet ed en lur servetschs d'internet.

2. Champ d'applicaziun

Questa decleraziun davart la protecziun da datas vala tant per tut las paginas d'internet dals Servetschs dal parlament sut la domena «parlament.ch» e «juniorparl.ch» sco er per las paginas d'internet che vegnan administradas da terzs  per incumbensa dals Servetschs dal parlament e per las datas persunalas che vegnan relevadas sur questas paginas d'internet. Questa decleraziun davart la protecziun da datas po vegnir midada da tut temp senza preavis. Per paginas d'internet d'auters purschiders, a las qualas vegn renvià davent da las paginas d'internet dals Servetschs dal parlament u davent da las paginas d'internet che vegnan administradas per lur incumbensa, valan las infurmaziuns e las decleraziuns davart la protecziun da datas da quests purschiders.
Singuls posts dals Servetschs dal parlament u da l'administraziun federala han atgnas disposiziuns davart la protecziun da datas u disposiziuns cumplementaras. Apps (abreviaziun da l'englais application, rumantsch applicaziun) ch'èn vegnidas sviluppadas en cooperaziun cun ils Servetschs dal parlament pon avair disposiziuns davart la protecziun da datas ch'èn orientadas al diever concret. Resguardai per plaschair: Sche Vus chargiais giu in'app, vegn il gestiunari da l'App Store per regla a savair, tgi che ha chargià giu l'app.

3. Renviaments

Ils Servetschs dal parlament na pon influenzar ni paginas externas, a las qualas els renvieschan, ni paginas externas che renvieschan a purschidas dals Servetschs dal parlament. Ils Servetschs dal parlament  na pon pia betg garantir che las infurmaziuns cuntegnidas sin talas paginas sajan correctas u ch'ellas na cuntegnian betg malware (sco p.ex. virus). Las infurmaziuns e las prestaziuns da paginas u da servetschs d'internet colliads stattan cumplainamain en la responsabladad dals terzs respectivs. Ils Servetschs dal parlament refusan tutta responsabladad per talas paginas u per tals servetschs d'internet.

4. Tge capita cun Vossas datas?

a) Conservaziun ed annullaziun

L'elavuraziun da datas persunalas sin paginas d'internet da la Confederaziun è limitada a quellas datas ch'èn necessarias per metter a disposiziun ina pagina d'internet che funcziuna sco er cuntegns e prestaziuns simplas d'utilisar, ubain a quellas datas che Vus ans avais mess a disposiziun activamain. Las datas persunalas che nus avain relevadas vegnan conservadas mo uschè ditg, sco ch'ellas vegnan duvradas per ademplir l'intent respectiv. Prescripziuns legalas ubain ulteriuras obligaziuns pon pretender ina conservaziun pli lunga.

b) Arcunaziun cun emplenir in formular

Sche Vus emplenis in formular sin nossa pagina d'internet (p.ex. in formular da contact), elavurain nus las datas che Vus ans avais mess a disposiziun, uschenavant che quai è necessari per ademplir l'intent da l'elavuraziun resp. per liquidar l'incumbensa. Per regla èn tut las indicaziuns facultativas. Ils champs obligatorics vegnan designads sco tals mo, sche questas indicaziuns èn necessarias per ademplir nossa incumbensa legala u Voss giavisch. Questas datas vegnan stizzadas il pli tard, cur ch'il termin da conservaziun legal è scadì. Per prevegnir ad abus vegn registrada l’adressa IP da l’apparat, cur che Vus tramettais il formular.

c) Arcunaziun cun s’annunziar per ina visita guidada

Sche Vus As annunziais per ina visita guidada, vegnan Vossas datas da contact conservadas durant in onn ed alura stizzadas.

d) Arcunaziun per spedir newsletters

Sche Vus abunais avis sin la pagina d’internet, vegnan registradas las suandantas datas: adressa dad e-mail e tut tenor l’abunenta u l’abunent il numer da fatschenta, il num da la parlamentaria u dal parlamentari u la ID dal tip da novitads. Questas datas persunalas restan en il sistem er suenter che Vus avais visà l’abunament, ma Vus na survegnis pli nagins avis.

e) Arcunaziun per l'analisa-web

Tar l'access a paginas ed a servetschs d'internet dals Servetschs dal parlament vegnan arcunadas las suandantas datas en logfiles: l'adressa IP, la data, las uras, la dumonda dal navigatur ed infurmaziuns che vegnan transferidas davart l'apparat duvrà incl. il sistem operativ ed il navigatur. Questas datas vegnan analisadas cun instruments da l'analisa-web (guardar qua sutvart). Uschia vulan ils Servetschs dal parlament meglierar cuntinuadamain la communicaziun.
Instruments da l'analisa-web: Per analisar datas electronicas betg persunalas dovran ils Servetschs dal parlament las softwares Matomo e Siteimprove. Matomo vegn administrà dals Servetschs dal parlament e Siteimprove da l’interpresa Siteimprove. Il tracking cun agid da Javascript e da Pixel, mo entaifer la domena (parlament.ch e juniorparl.ch), vegn controllà dal tuttafatg dals Servetschs dal parlament, las datas da Matomo restan en Svizra e las datas da Siteimprove vegnan arcunadas en il Danemarc. Las datas relevadas vegnan duvradas exclusivamain per l'analisa-web; ellas na vegnan betg cundivididas u reunidas cun autras unitads da datas.

f) Cookies

Per render pli attractiva la visita sin la pagina d'internet e per pussibilitar d'utilisar tschertas funcziuns vegnan duvrads cookies sin differentas paginas da la Confederaziun. Cookies èn pitschnas datotecas da text che vegnan deponidas sin Voss computer. La gronda part dals cookies duvrads vegnan stizzads da Voss disc dir, cur che Vus serrais il navigatur (uschenumnads cookies da sesida u da sessiun). Auters cookies restan sin Voss computer e permettan d'As reidentifitgar a chaschun da Vossa proxima visita (uschenumnads cookies duraivels).
Vus pudais impedir l'arcunaziun da cookies en Voss navigatur cun restrenscher u cun deactivar la funcziun d'arcunar e da leger cookies. Resguardai per plaschair che Vus na pudais betg utilisar tschertas funcziuns da la pagina d'internet senza cookies.

g) Raits socialas

Ils Servetschs dal parlament administreschan differents contos resp. profils sin las raits socialas (tranter auter sin Twitter, Facebook, LinkedIN,  Instagram, Flickr e.u.v.), agens chanals da YouTube e differentas apps. Questas paginas resp. quests servetschs vegnan purschids ed administrads da terzs. Mintgina da questas paginas ha atgnas disposiziuns davart la protecziun da datas.
Ultra da quai èn integrads en singulas paginas d'internet dals Servetschs dal parlament directamain servetschs da terzs, sco p.ex. YouTube, Twitter, Google Maps, Google Ads, Google Custom Search, Instagram, bit.ly e.u.v. Quests purschiders dovran tranter auter er cookies. Per utilisar las paginas d'internet dals Servetschs dal parlament vegnan transmessas automaticamain datas da las utilisadras e dals utilisaders a questas firmas. En quest connex valan explicitamain las disposiziuns davart la protecziun da datas dal purschider respectiv. Las utilisadras ed ils utilisaders ston esser conscients ch'i pon vegnir rimnadas sur quests servetschs er datas che pon vegnir transmessas a terzs. Sche las utilisadras ed ils utilisaders dovran a medem temp in conto d'in servetsch, po il gestiunari attribuir questas infurmaziuns transmessas directamain al conto persunal respectiv.
Ils Servetschs dal parlament n'han nagina influenza sin la relevaziun da datas e sin l'ulteriura utilisaziun da quellas tras quests gestiunaris. En tge dimensiun, a tge lieu e per tge durada che las datas vegnan arcunadas, quant enavant ch'ils gestiunaris observan las eventualas obligaziuns da stizzar las datas, tge evaluaziuns e tge colliaziuns ch'els fan cun las datas ed a tgi ch'els transmettan las datas, n'è betg visibel per ils Servetschs dal parlament.
Ils servetschs ils pli impurtants administrads da terzs, dals quals ils Servetschs dal parlament fan diever, èn:
YouTube: Sche Vus avris ina pagina dals Servetschs dal parlament che cuntegna in video da YouTube, vegn fatga ina colliaziun cun ils servers da YouTube ed i vegnan utilisads singuls plug-ins da YouTube (YouTube LLC, 901 Cherry Ave., San Bruno, CA 94066, USA; filiala da Google LLC). En quest cas vegni communitgà a YouTube, tge pagina ch'è vegnida visitada da tge adressa IP.
Google Maps: Per mussar ina charta interactiva e per far plans d'access vegn utilisà en singuls cas il servetsch da chartas Google Maps da Google LLC (1600 Amphitheatre Parkway, Mountain View, CA 94043, USA). Cun duvrar Google Maps pon vegnir arcunadas infurmaziuns davart Vossa utilisaziun (p.ex. adressa IP), che vegnan transmessas ad in server da Google en ils Stadis Unids.
Google Custom Search: Singuls posts da l'administraziun federala utiliseschan il champ da tschertga "Custom Search" da la firma Google LLC. Cun utilisar il champ da tschertga (trametter il formular) vegnan transmessas las datas d'utilisaziun al gestiunari. Infurmaziuns davart il diever da datas d'utilisaziun chattais Vus en la Decleraziun davart la protecziun da datas da Google.
Instagram: Instagram, Inc. appartegna a Facebook. Infurmaziuns davart il diever da datas d'utilisaziun chattais Vus en la Directiva davart las datas.
Twitter: Twitter, Inc., 1355 Market Street, Suite 900 San Francisco, CA 94103. Infurmaziuns davart il diever da datas d'utilisaziun chattais Vus en la Decleraziun davart la protecziun da datas ed en la Directiva davart cookies da Twitter.
Bitly: Bitly è in uschenumnà servetsch d'URL curt. bitly, Inc. ha sia sedia a New York, USA. Infurmaziuns davart il diever da datas d'utilisaziun chattais Vus sin Bitly Privacy Policy.

5. Voss dretgs

Vus avais il dretg da pretender da tut temp infurmaziuns gratuitas davart l'elavuraziun da Vossas datas persunalas tar ils Servetschs dal parlament. As drizzai per quest intent al post numnà en l'impressum. Ulteriurs dretgs, sco il dretg d’annullaziun da datas, il dretg da rectificaziun da datas, il dretg da limitaziun da l'elavuraziun da las datas ed il dretg da transmissiun da las datas valan en il rom legal prescrit.
Per metter a disposiziun ina pagina d'internet che funcziuna ston las datas en mintga cas vegnir registradas, arcunadas en logfiles e messas a disposiziun per la pagina d'internet. Pervia da quai na datti nagin dretg da far opposiziun en chaussa per las utilisadras ed ils utilisaders da nossa pagina d'internet.

6. Segirezza da las datas

Pagina d'internet: Entaifer la visita sin la pagina d'internet utiliseschan ils Servetschs dal parlament ina communicaziun da datas criptada sin basa da TLS en cumbinaziun cun il stgalim da criptadi mintgamai il pli aut che vegn sustegnì da Voss navigatur. Schebain ina singula pagina d'internet vegn transmessa en furma criptada, vesais Vus en il champ d'adressas da Voss navigatur, sch'il simbol da clav respectivamain da marschlos è serrà.
Elavuraziun generala da datas: Ultra da quai applitgeschan ils Servetschs dal parlament mesiras da segirezza tecnicas ed organisatoricas per l'elavuraziun da datas per proteger Vossas datas cunter manipulaziuns casualas u intenziunadas, cunter la perdita d'ina part u da tut las datas, cunter la destrucziun u cunter l'access nunautorisà da terzs. Las mesiras da segirezza dals Servetschs dal parlament ​correspundan al stadi actual da la tecnica.

7. Manaschi

Per la tgira tecnica dals servers d'internet per il manaschi da las paginas d'internet èn da princip responsabels ils Servetschs dal parlament.  Las suandantas purschidas vegnan messas a disposiziun da partenaris externs:
•    Visualisaziun grafica da las votaziuns en il Cussegl naziunal: Smartmonitor
•    Sistem da reservaziun per visitas: Département des finances et de la santé du Canton de Neuchâtel
•    Gir virtual: Swizzonic SA
•    Juniorparl: Swizzonic SA
•    Visita guidada audiovisuala Chasa federala: Audiotours ScRL
8. Num e datas da contact da la persuna responsabla
Sche Vus avais dumondas davart l'elavuraziun da las datas u sche Vus essas da l'avis che l'elavuraziun da Vossas datas persunalas tras ils Servetschs dal parlament violeschia Voss dretgs, As drizzai per plaschair a la consulenta u al consulent per dumondas da la protecziun da datas dals Servetschs dal parlament.


Dretgs d'autur

Dretgs d'autur, Servetschs dal parlament, CH-3003 Berna

Las infurmaziuns sin las paginas-web dals Servetschs dal parlament vegnan messas a disposiziun a la publicitad. Cun telechargiar u copiar cuntegns, maletgs, fotos, videos u autras datotecas na vegnan transferids nagins dretgs concernent ils cuntegns. 

Ils dretgs d'autur e tut ils auters dretgs colliads cun ils cuntegns, ils maletgs, las fotos, videos u autras datotecas sin las paginas-web dals Servetschs dal parlament èn lur proprietad exclusiva u da lur possessurs numnads spezialmain. Mintga reproducziun è suttamessa a l'approvaziun precedenta en scrit dal possessur dals dretgs.