En Curia Vista chattais Vus indicaziuns davart las fatschentas ord la banca da datas parlamentara Curia ed ord l’anteriura banca da datas Swissbase. En Curia vegnan collecziunadas e documentadas tut las fatschentas tractadas dal Cussegl naziunal e dal Cussegl dals chantuns a partir da la 45avla legislatura, pia a partir da la sessiun d’enviern 1995. Cuntrari a las ulteriuras fatschentas è l’ura da dumondas vegnida registrada en la banca da datas pir a partir da la sessiun d’enviern 1999.
Las indicaziuns davart las fatschentas ord l’anteriura banca da datas Swissbase pon esser incumplettas e servan mo sco renviament a las funtaunas originalas (Bulletin uffizial, BU u Fegl uffizial federal, FF). Registradas èn las fatschentas dal Cussegl federal pendentas dapi l’onn 1970, las iniziativas parlamentaras e las iniziativas dals chantuns, las intervenziuns dapi l’onn 1983 e l’ura da dumondas dapi l’onn 1986.
Fatschentas anc pli veglias (incl. intervenziuns) chattais Vus sin www.amtsdruckschriften.ch.