Incumbensas e proceder dal Bulletin uffizial

Dapi l'onn 1891 renda il Bulletin uffizial da l'Assamblea federala accessiblas en moda integrala a la publicitad las debattas dal Cussegl naziunal e dal Cussegl dals chantuns, tenor l'incarica da l'artitgel 158 da la Constituziun federala resp. da l'artitgel 4 da la Lescha dal parlament.

Oz protocollescha il Servetsch dal Bulletin uffizial directamain e cuntinuadamain tut ils votums dal Cussegl naziunal e dal Cussegl dals chantuns en la lingua originala. Cun agid da programs d'elavuraziun da text digitals – ch'èn vegnids sviluppads aposta per quest intent e che sa basan sin registraziuns e sin bancas da datas – procura in team da 20 fin 30 persunas da lingua materna tudestga, franzosa e taliana ch'ils texts vegnian transcrits immediatamain pled per pled e lura controllads. Tenor l'Ordinaziun davart l'administraziun dal parlament dastgan las parlamentarias ed ils parlamentaris anc far rectificaziuns stilisticas entaifer in termin da trais dis, betg dentant correcturas dal cuntegn.

Il Bulletin uffizial è ina part integrala da las materialias giuridicas en il process legislativ. Parallelamain als texts discurrids vegnan perquai integradas numerusas infurmaziuns supplementaras en las singulas sesidas da las chombras, p.ex. ils titels da las fatschentas, las propostas, ils conclus, ils resultats da las votaziuns sco er renviaments electronics (links) ad autras tractativas davart la medema fatschenta ed a documents ch'existan en scrit. Tut ils texts ch'èn avant maun vegnan publitgads immediatamain en l'internet ed actualisads cuntinuadamain.

Impressum

Chauredactur

Dr. fil. François Comment

Editur, distribuziun ed abunaments

Sectur Bulletin uffizial
da l'Assamblea federala
Servetschs dal parlament
3003 Berna
Tel. 058 322 99 82
Fax 058 322 96 33
E-mail: bulletin@parl.admin.ch

Versiun stampada

Abunamentpretsch (incl. porto)
Abunament annual en Svizra (Cussegl naziunal e Cussegl dals chantuns incl. CD-ROM)

CHF 120.–

Abunament annual a l'exteriur (Cussegl naziunal e Cussegl dals chantuns incl. CD-ROM)CHF 140.–