Vus As interessais spezialmain per ina commembra u in commember dal cussegl u per ina fatschenta? Per ina cumissiun particulara? U vulais Vus simplamain vegnir infurmà davart las proximas occurrenzas? En quel cas faschais Vus il meglier da nizzegiar noss nov servetsch d'avis. Uschia essas Vus adina al current.
Uschia funcziuni
Vus pudais activar tants e-mails d'avis sco che Vus vulais. Vus tschernis, sche Vus vulais mintgamai survegnir immediat ils e-mails u sche Vus als vulais survegnir tuts enina – mintga di a las 19.00. Avis pudais Vus endrizzar sin e per las suandantas paginas:
Uschia activais Vus ils avis davart ils resultats da tschertga:
Exempel: fatschentas davart il tema «Krankenkasse»
1. Endatai en il champ da tschertga la noziun «Krankenkasse*».
2. Cliccai en las opziuns sut il champ da tschertga sin «fatschentas».
3. Cliccai sin la marella – la pagina cun ils resultats da tschertga vegn creada.
4. Cliccai sura a dretga sin il buttun verd «abunar ils resultats da tschertga».
5. Tscherni la varianta d'avis, endatai en la fanestra d'endataziun Vossa adressa dad e-mail e cliccai sin «activar ils avis».
6. Impurtant!
Sche la tschertga mussa dapli che 1000 resultats, n'èsi betg pussaivel d'endrizzar in abunament per motivs da la performance da la pagina d'internet. En quest cas sto la tschertga vegnir precisada pli fitg, p.ex. tenor l'onn d'inoltraziun u tenor il stadi (p.ex. «pendent»).
Uschia activais Vus ils avis davart l'agenda:
1. Cliccai en l'agenda sin «mussar tut las datas» – la pagina cun ils resultats da tschertga vegn creada.
2. Cliccai sura a dretga sin il buttun verd «abunar ils resultats da tschertga».
3. Tscherni la varianta d'avis, endatai en la fanestra d'endataziun Vossa adressa dad e-mail e cliccai sin «activar ils avis».
Uschia activais Vus ils avis davart las novitads:
1. Cliccai en las novitads sin «mussar tut las novitads» – la pagina cun ils resultats da tschertga vegn creada.
2. Cliccai sura a dretga sin il buttun verd «abunar ils resultats da tschertga».
3. Tscherni la varianta d'avis, endatai en la fanestra d'endataziun Vossa adressa dad e-mail e cliccai sin «activar ils avis».
Uschia activais Vus ils avis davart las communicaziuns a las medias:
1. Cliccai en las novitads sin «mussar tut las novitads» – la pagina cun ils resultats da tschertga vegn creada.
2. Cliccai l'emprim a sanestra sin «Communicaziuns a las medias» e suenter sura a dretga sin il buttun verd «abunar ils resultats da tschertga».
3. Tscherni la varianta d'avis, endatai en la fanestra d'endataziun Vossa adressa dad e-mail e cliccai sin «activar ils avis».
Uschia activais Vus ils avis davart ils programs da sessiun:
Vesair instrucziun per activar ils
avis davart las novitads – simplamain cliccar en il davos pass sin «Programs da sessiun novs u adattads».
Uschia activais Vus ils avis davart ina fatschenta specifica:
1. Endatai en il champ da tschertga il numer u il titel da la fatschenta.
2. Cliccai en las opziuns sut il champ da tschertga sin «fatschentas».
3. Cliccai sin la marella – la pagina cun ils resultats da tschertga vegn creada.
4. Cliccai sura a dretga sin il buttun verd «abunar ils resultats da tschertga».
5. Tscherni la varianta d'avis, endatai en la fanestra d'endataziun Vossa adressa dad e-mail e cliccai sin «activar ils avis».
Uschia activais Vus ils avis davart ina commembra u in commember dals cussegls:
1. Endatai en il champ da tschertga il num da la persuna.
2. Cliccai en las opziuns sut il champ da tschertga sin «commembra/commember dals cussegls».
3. Cliccai sin la marella – la pagina cun ils resultats da tschertga vegn creada.
4. Cliccai sin la biografia.
5. Cliccai sura a dretga sin il buttun verd «abunar il profil».
6. Tscherni la varianta d'avis, endatai en la fanestra d'endataziun Vossa adressa dad e-mail e cliccai sin «activar ils avis».
Bun da savair
Sche Vus As annunziais l'emprima giada per in avis, retschavais Vus da nus in e-mail. Cun cliccar sin la colliaziun d'activaziun en quest e-mail, validais Vus Vossa adressa dad e-mail e retschavais a partir d'immediat noss e-mails da novitads.
Vus na stuais inditgar nagin num d'utilisader e nagin pled-clav per pudair nizzegiar il servetsch d'avis. Sche Vus vulais puspè dar giu in e-mail da novitads, pudais Vus far quai confortablamain a maun d'ina colliaziun en l'e-mail.
Per pudair far l’empustaziun a moda simpla, vain nus renunzià a la pussibiltad da vesair e gestir ils abunaments. Sche Vus giavischais, As tramettain nus gugent per mail in extract da la banca da datas (XLS) da Voss abunaments. Faschai per quai p.pl. diever da noss
formular.