La Delegaziun per las relaziuns cun il parlament franzos (Del-F) è il pendant tar la Gruppa d'amicizia da l'Assamblea naziunala franzosa sco er tar la Gruppa d'amicizia dal Senat franzos. La Gruppa d'amicizia da l'Assamblea naziunala franzosa sa cumpona da circa 56 ulteriuras commembras ed ulteriurs commembers da tut las partidas da l'Assamblea naziunala. La Gruppa d'amicizia dal Senat franzos sa cumpona da 17 commembras e commembers dal Senat. A chaschun da las visitas en Svizra appartegnan mintgamai maximalmain 4 fin 6 commembras e commembers a las delegaziuns franzosas (regulaziun interna dal Senat e da l'Assamblea naziunala).

Cun l'intent da tgirar ils contacts han lieu scuntradas regularas tranter parlamentarias e parlamentaris da la Svizra e da la Frantscha. Durant mintga legislatura fan las duas delegaziuns tradiziunalmain duas visitas da lavur a l'exteriur ed organiseschan duas scuntradas en l'agen pajais. Ultra da discurs da lavur sin plaun politic stattan savens er visitas da firmas e d'interpresas u scuntradas cun represchentantas e represchentants da l'economia, da la societad e da la scienza sin il program.

Quest dialog cuntinuant permetta a las commembras ed als commembers da la delegaziun da tractar temas regiunals, naziunals ed internaziunals cumplexs cun lur collegas franzos ed – en cas da conflicts – da discussiunar soluziuns pussaivlas directamain cun las persunas che prendan las decisiuns. Uschia po la diplomazia parlamentara cumplettar las activitads diplomaticas da l'executiva ed extender il spazi d'agir. Ultra da quai gida il dialog a chapir meglier ils process da la politica interna en ils dus pajais.

Commembers

 

Secretariat da la delegaziun

Funcziun Num Telefon/E-Mail
Secretari da la delegaziunJérémie EqueyT +41 58 322 98 77
del.france@parl.admin.ch