La Delegaziun per las relaziuns cun il parlament talian (Del-I) è il pendant tar la Secziun d'amicizia bilaterala taliana-svizra dal parlament talian, che vegn actualmain presidiada dal deputà Toni Ricciardi (Partito Democratico, Circoscrizione Estero)​​. La gruppa d'amicizia sa cumpona da 21 commembras e commembers da tut las partidas da la Chombra taliana dals deputads e dal Senat talian.

Cun l'intent da stabilir e da tgirar ina rait da relaziuns han lieu scuntradas regularas tranter parlamentarias e parlamentaris da la Svizra e da l'Italia. Ultra da discurs da lavur sin plaun politic stattan savens er visitas da firmas e d'interpresas u scuntradas cun represchentantas e represchentants da l'economia, da la societad e da la scienza sin il program.

Quest dialog cuntinuant permetta a las commembras ed als commembers da la delegaziun da tractar temas regiunals, naziunals ed internaziunals cumplexs cun lur collegas talians ed – en cas da conflicts – da discussiunar soluziuns pussaivlas directamain cun las persunas che prendan las decisiuns. Uschia po la diplomazia parlamentara cumplettar las activitads diplomaticas da l'executiva ed extender il spazi d'agir. Ultra da quai gida il dialog a chapir meglier ils process da la politica interna en ils dus pajais.

Commembers

 

Secretariat da la delegaziun

Funcziun Num Telefon/E-Mail
Secretaria da la delegaziunSara GuerraT +41 58 322 94 40
C +41 78 919 43 69
del.italia@parl.admin.ch