L'Assamblea parlamentara da la NATO (AP NATO), anteriuramain Radunanza parlamentara da l'Atlantic dal Nord, è in'organisaziun interparlamentara che porscha dapi il 1955 als parlaments dals stadis commembers la pussaivladad da s'inscuntrar e da sa barattar davart problems da segirezza d'interess cuminaivel. Oz èn represchentads en ella las legislativas dals 31 stadis commembers da l'Allianza atlantica sco er da 10 stadis associads, da 4 stadis da la Mar Mediterrana associads, sco er d'observaturs dad ulteriurs 8 stadis ed er mintgamai ina delegaziun dal Parlament europeic, da l'Assamblea parlamentara da la OSCE sco er da l'Assamblea parlamentara dal Cussegl da l'Europa.

La AP NATO ha 274 delegadas e delegads dals stadis commembers. Tut en tut cumpiglia l'assamblea ca. 360 delegadas e delegads. Questas commembras e quests commembers da parlament èn per il pli commembras e commembers da las Cumissiuns parlamentaras da defensiun da lur pajais respectivs. Durant lur activitad en la AP NATO vegnan uschia ils presidis e vicepresidis da las Cumissiuns per la politica da segirezza mintgamai en contact cun lur collegas d'uffizi.

Commembers​

Secretariat da la delegaziun