Cun il conclus (guardar
PDF) dal Cussegl federal da l'onn 1961 (guardar PDF) è il Psalm svizzer daventà l'imni naziunal, quai però cun in temp d'emprova da 3 onns. L'onn 1964 han dudesch chantuns votà a favur dal «Psalm svizzer». Ulteriurs set chantuns han giavischà in temp d'emprova pli lung, e sis chantuns han refusà l'imni naziunal provisoric. Il 1. d'avrigl 1981 ha il Cussegl federal decidì, ch'il Psalm svizzer daventia definitivamain l'imni naziunal svizzer. Quel era previs oriundamain cunzunt per occurrenzas militaras e diplomaticas. Oz vegn l'imni chantà a chaschun da bleras differentas occurrenzas festivas, sco bainvegnis diplomatics, undrientschas da victuras e victurs da tut gener, festas dal 1. d'avust ed en il parlament per cumenzar la legislatura.
Alberich Zwyssig (Foto: Zentralbibliothek Zürich, gemeinfrei)
Davart l'istorgia da l'imni naziunal
Sco la gronda part dals imnis actuals datescha er l'antecessur da l'imni naziunal, il Psalm svizzer, dal 19avel tschientaner. L'onn 1841 ha Leonard Widmer scrit il text «En l'aurora la damaun». Il medem onn ha Peter Albrecht Zwyssig da Wettingen cumponì la musica per il text levamain midà da ses ami.
Ma questa cumposiziun aveva numerus concurrents: «O mein Heimatland», da Gottfried Keller cun la melodia da Walter Baumgartner; «Himni alla patria» ("Heil dir, mein Schweizerland . ") dad Otto Barblan; «Mein Schweizerland, wach auf» da Carl Attenhofer; ed auter pli.
Il problem è vegnì preschentà l'onn 1958 al Cussegl federal: «Atgnamain n'avain nus insumma nagin imni naziunal» aveva scrit il professer da filosofia Johann Rudolf Wyssan al Cussegl federal e gist er descrit il problem: «…perquai ch'i èn vegnidas duvradas durant decennis pliras chanzuns, n'ha betg mo ina chanzun, mabain gist pliras obtegnì ina tala popularitad ed impurtanza, ch'ellas vegnan sunadas e chantadas da preferenza a chaschun d'occurrenzas patrioticas.
Sin l'emprima plazza stattan las duas chanzuns «E clomas, tger paeis» ed il «Psalm svizzer» ("En l'aurora la damaun . ").»
(guardar
PDF)
Avertura da la 52. perioda legislativa
en la sala dal Cussegl naziunal ils 4 da december 2023
Preschentaziun da Nikos Stassinakis (ghitarra), chor Canto Classico
(sut la batgetta da Willi Derungs, Berna) e Jon Flurin Buchli (trumbetta).
Foto: Sophie Golay
Trumbetta Jon Flurin Buchli, Grischun
Registraziun MP3 dals 22.11.23
Foto: Beatrice Devenes
Ghitarra Nikos Stassinakis, Berna
Registraziun MP3 dals 22.11.23
Foto: Franca Pedrazzetti
Ulteriuras infurmaziuns davart la naschientscha da l'imni naziunal