La sessiun è la perioda, durant la quala il parlament s'inscuntra per deliberar. Il Cussegl naziunal ed il Cussegl dals chantuns sa radunan regularmain a sessiuns ordinarias.

Mintg'onn han lieu quatter sessiuns ordinarias durant trais emnas: la sessiun da primavaira il mars, la sessiun da stad il zercladur, la sessiun d'atun il settember e la sessiun d'enviern il november/december.

Per reducir la glista da las fatschentas po vegnir fatga in'ulteriura sessiun, ina sessiun speziala. Da sessiuns extraordinarias po mintga cussegl decider independentamain da l'auter cussegl. In quart dals commembers d'in cussegl u il Cussegl federal po plinavant pretender da convocar ils cussegls ad ina sessiun extraordinaria.

Datas da las sessiuns da l'onn 2023

SessiunData
Sessiun da primavaira27 da favrer – 17 da mars 2023
​Sessiun extraordinaria​11 – 13 da avrigl 2023
​Sessiun speziala
2 – 4 da matg 2023
Sessiun da stad30 da matg – 16 da zercladur 2023
Sessiun d'atun11 – 29 da settember 2023
Sessiun d'enviern4 – 22 da december 2023

Temps da sesida dals Cussegls

Las sesidas han lieu per regla:

Cussegl naziunal

DiUra
Glindesdi14.30 – 19.00
Mardi*08.00 – 13.00
Mesemna08.00 – 13.00
Mesemna suentermezdi15.00 – 19.00
Gievgia08.00 – 13.00
Gievgia da la terza emna15.00 – 19.00
Venderdi da l'ultima emna08.00 – 11.00

* Il mardi suentermezdi è liber per las sesidas da las fracziuns.

Sesidas nocturnas (19.00 – 22.00) vegnan fatgas tut tenor dumber ed urgenza da las fatschentas. Per ordinari ha lieu ina sesida nocturna il glindesdi da la segunda emna da sessiun.

 Cussegl dals chantuns

DiUra
Glindesdi da l'emprima emna16.15 – 20.00
Glindesdi da la segunda e terza emna15.15 – 20.00
Mardi*08.15 – 13.00
Mesemna08.15 – 13.00
Mesemna suentermezdi15.00 – 19.00
Gievgia08.15 – 13.00
Gievgia da la terza emna15.00 – 19.00
Venderdi da l'ultima emna08.15 – 08.30

* Il mardi suentermezdi è liber per las sesidas da las fracziuns.

Sesidas nocturnas (senza limitaziun dal temp) vegnan fatgas tut tenor dumber ed urgenza da las fatschentas.