Il di da las portas avertas en l’edifizi dal parlament pudais Vus visitar libramain las salas dal Cussegl naziunal e dal Cussegl dals chantuns, la halla a cupla e la sala dals pass pers. Las collavuraturas ed ils collavuraturs dal Servetsch da visitas stattan là a disposiziun per infurmaziuns ed As accumpognan durant la visita guidada «Art e politica». Per questa visita As stuais Vus annunziar ordavant. Vus pudais er chargiar l’app «Guid audiovisual Chasa federala» sin Voss smartphone ed ir en moda autonoma sin in viadi d’exploraziun. In mument spezial da quest di è la preschentaziun da quai che capita, cura che l’intelligenza artifiziala survegn l’incumbensa da far in update da las grondas picturas en l’edifizi dal parlament e da las adattar al temp dad oz u cura ch’ella fa sgular figuras.

Data: sonda, ils 25 d’october
Uras d’avertura: da las 9.00 fin las 17.00
Ultim access: a las 16.00 (entrada da visitaders)​
Avis: En cas da grondas fullas da visitaders ston ins quintar cun temps da spetga tar la controlla da segirezza.
Segirezza: Las persunas da 16 onns u dapli sco er uffants e giuvenils sut 16 onns che na vegnan betg accumpagnads da persunas creschidas, vegnan suttamess ad ina controlla d'identitad e ston preschentar in document d'identitad uffizial al persunal da segirezza.
Access: liber senza reservaziu​n

​​

Program

​​Exposiziun «Art ed intelligenza artifiziala (IA)»

La IA fa chauss​as surprendentas. Grazia a la IA survegnan las fanestras ad artg en la halla a cupla, il «cumin» en la sala dal Cussegl dals chantuns ed ils frescos en la sala dals pass pers in update al temp dad oz. Ed en la sala dal Cussegl naziunal fa ella sgular l’anghel da la pasch en la pictura murala «Tgina da la Confederaziun».

Visita guidada «Art e politica»
Scuvri ovras d’art unicas e vegni a savair dapli davart il sistem politic da la Svizra.

Durada: 45 minutas​
Annunzia: Mo al lieu tar l’entrada da visitaders (i n’è betg pussaivel da reservar ordavant)
Participaziun: maximalmain 30 persunas per visita guidada

Urari e linguas da las visitas guidadas​
DE : 09.30, 10.00, 11.00, 12.00, 13.00, 15.00, 16.00
FR : 10.30, 11.30, 12.30, 14.30, 15.30
IT : 13.30
EN : 14.00

1.plaun sura davant il Secretariat central​
Creescha tes agen buttun. Per uffants e chaus creativs.

«Zeitungszimmer» - cafetaria​
Profitai da la purschida savurusa e da las bavrondas en in’atmosfera istorica.

Guid audiovisual Chasa federala​
Chargiai l’app gratuita sin Voss smartphone ed As rendai sin in gir tras u enturn l’edifizi dal parlament.

Apple ed Android

​

Nus ans legrain da Vossa visita!​
Sulet u suletta, cun la famiglia u cun amias ed amis – il di da las portas avertas en la Chasa federala è in’aventura per tuttas e tuts.


​
​