Il di da las portas avertas pudais Vus visitar libramain las salas dals dus cussegls, la halla a cupla e la sala dals pass pers en l'edifizi dal parlament. Collavuraturas e collavuraturs dal Servetsch da visitaders fan cun Vus ina visita guidada, sche Vus As annunziais ordavant. U che Vus chargiais l'app «Guid audiovisual, Chasa federala» sin Voss smartphone ed As mettais independentamain sin viadi d'exploraziun. Sco particularitad da quel di datti ina installaziun, nua che Vus pudais scuvrir il futur cun agid da l'intelligenza artifiziala.

Data: sonda, ils 24 d'october
Uras d'avertura: da las 09.00 fin las 17.00
Ultima entrada: a las 16.00 (entrada da visitaders)
Infurmaziun: En cas d'ina fulla da visitaders pon resultar temps da spetga a la controlla da segirezza.
Segirezza: Las persunas sur 16 onns sco er ils uffants e giuvenils sut 16 onns che n'èn betg accumpagnads da persunas creschidas, vegnan suttamess ad ina controlla d'identitad e ston preschentar in document d'identitad uffizial al persunal da segirezza.
Access: liber e senza preannunzia 

Geneva Public Portal to Anticipation
L'installaziun interactiva envida a scuvrir en moda ludica pussaivels svilups scientifics dals proxims onns. Ella è vegnida concepida da la «Geneva Science and Diplomacy Anticipator Foundation» e sviluppada da la Scola politecnica federala da Losanna. Ils resultats rendan palpabel scenaris scientifics per in vast public. L'installaziun è vegnida mussada a l'Exposiziun mundiala 2025 ad Osaka e fa ina punt tranter la scienza, la politica e la societad.

Explicaziuns davart l'installaziun, durada ca. 15 minutas
DE 10.00, 12.00, 14.00, 16.00
FR 11.00, 13.00, 15.00
Plaunterren auzà

Visitas guidadas tras l'edifizi dal parlament
Dapli infurmaziuns davart il manaschi parlamentar ed il monument architectonic istoric dattan las collavuraturas ed ils collavuraturs dal Servetsch da visitaders.

Annunzia: exclusivamain a l'entrada da visitaders (betg pussaivel dar reservar ordavant)
Durada: 45 minutas
Participaziun: max. 30 persunas per visita guidada
Partenza: a l'entrada da visitaders 

Uras da partenza e linguas da las visitas guidadas
DE 09.30, 10.00, 11.00, 12.00, 14.30, 15.30
FR 10.30, 11.30, 12.30, 15.00, 16.00
IT 13.30
EN 14.00

Enquista davart temas dal futur
As participai ad in'enquista online e gidai a concepir in nivel da pleds.
1. plaun sura

L'edifizi dal parlament l'onn 2091
Colurai in sboz u creai Vossa atgna Chasa federala dal futur. Per uffants e testas creativas.
1. plaun sura

Guid audiovisual Chasa federala
Chargiai giu l'app gratuita sin il smartphone ed As mettai independentamain sin in gir tras u enturn l'edifizi dal parlament.

​​

​

Cafetaria

Giudai pitschnas delicatessas e bavrondas en in'atmosfera istorica.
1. plaun sura