​Ils servetschs dal parlament avran il di da la festa naziunala las portas da l’edifizi dal parlament.

Ils 1. d’avust han las interessentas ed ils interessents la pussaivladad da visitar da las 9.00 a las 16.00 la sala dal Cussegl naziunal, la halla a cupla e la Sala dals pass pers.

​

A las 10.00 respundan la presidenta dal Cussegl naziunal Christa Markwalder ed il president dal Cussegl dals chantuns Raphaël Comte las dumondas dal public.

Tar differents posts d’infurmaziun sa pon ils giasts orientar davart l’edifizi istoric. Surpraisas musicalas contribueschan per l’ina la gruppa «ZusammenSpiel» ed il «Conservatoire de musique nechâtelois» sco er las acturas ed ils acturs da StattLand.

En la stanza da cumissiuns 286 vegn mussà il film «Zimmer 286» che tematisescha la lavur en las cumissiuns.

Autramain èn avertas las stanzas da cumissiuns 2,4 e 5, nua che vegn mussà il film «Erklär‘ mir das Parlament» en las trais linguas uffizialas.

Il Cafè Zeitungszimmer è avert.