Sonda, il 1. d'avust 2026, da las 08.30–16.30
Di da las portas avertas il 1. d'avust – Nus festivain la Svizra!
Passentai il di da la festa naziunala svizra en l'edifizi dal parlament. Las salas da las duas chombras, la halla a cupla e la halla dals pass pers sco er la stanza da sesidas dal Cussegl federal en la Chasa federala vest pon vegnir visitadas libramain.
I vegn laschà entrar a l'entrada da visitaders ed a l'entrada nord fin las 15.30
En cas d'ina fulla da visitaders pon resultar temps da spetga a la controlla da segirezza.
Las persunas sur 16 onns sco er ils uffants e giuvenils sut 16 onns che n'èn betg accumpagnads da persunas creschidas, vegnan suttamess ad ina controlla d'identitad e ston preschentar in document d'identitad uffizial al persunal da segirezza.
Entrada gratuita
Program
Sala dal Cussegl naziunal
En il discurs cun ils presidis da las chombras
Il president dal Cussegl naziunal Pierre-André Page ed il president dal Cussegl dals chantuns Stefan Engler respundan a las dumondas da las visitadras e dals visitaders.
Moderaziun: Nicoletta Cimmino
Il discurs vegn translatà simultanamain en tudestg, en franzos ed en talian.
Da las 11.15 fin las 12.00
Sala dal Cussegl dals chantuns
Il manaschi en la chombra pitschna
Il president dal Cussegl dals chantuns Stefan Engler dat ina invista.
Da las 10.30 fin las 11.00
Scuvrir l’edifizi dal parlament
Co vegni debattà a Berna e tge datti da scuvrir en las salas da las duas chombras?
Infurmaziuns en chaussa datti da collavuraturas e collavuraturs dal Servetsch da visitaders.
Durada ca. 20 min.
Sala dal Cussegl naziunal
Tudestg a las 9.00 / 13.00 / 15.00 / 16.00
Franzos a las 10.00 / 14.00 / 16.00
Talian a las 14.00
Sala dal Cussegl dals chantuns
Tudestg a las 12.00 / 13.30
Franzos a las 12.30 / 15.30
Talian a las 12.30
Giudair la musica populara da Friburg
As allegrai sin ils tuns da l’ensemble d’instrumentalist(a)s da sturs «Quatuor cuivre Coriolis» or dal chantun dal president dal Cussegl naziunal.
Durada mintgamai ca. 20 min.
Sala dal Cussegl naziunal a las 11.00 / 15.30
Sala dal Cussegl dals chantuns a las 9.30 / 14.30
Scuvrir la stanza da sesidas dal Cussegl federal
Ina stanza sco in chalet. In sguard exclusiv en ils locals da sesidas e d’accoglientscha dal Cussegl federal en la Chasa federala vest.
Posar davant la bandiera svizra
Faschai ina fotografia da regurdientscha da Vossa visita en il cor da la Chasa federala.
Colurar Guglielm Tell
Al stan d’uffants datti activitads per las pli giuvnas ed ils pli giuvens.
Tschertgar bustabs
Far in gir d’exploraziun, chattar il pled da soluziun e gudagnar in pitschen souvenir.
Festivar senza fom
Profitai da la purschida savurusa da la cafetaria en il «Zeitungszimmer». Bar da suc da maila per ils uffants.
Metter si ils uregliers
Scuvri en moda independenta l’edifizi dal parlament svizzer a Berna e las instituziuns vischinas cun l’app «Guid audiovisual, Chasa federala».
Nus ans legrain da Vossa visita!
Midadas resalvadas.