Ils 15 d'avrigl 2023 avran ils Servetschs dal parlament las portas e porschan in program spezial oravant tut per ils uffants.

Program

Sonda, ils 15 d'avrigl 2023, da las 9.00 fin las 17.00 (entrada fin las 16.00), entrada libra.

Persunas da 16 onns e dapli ston mussar la carta d'identitad u il passaport.

En cas da grondas fullas ston ins quintar cun temps da spetga pli lungs tar la controlla da segirezza. Access sur l'entrada principala e sur l'entrada da visitaders.

Concert dals «Schwiizergoofe»
Ils «Schwiizergoofe» visitan l'edifizi dal parlament. En duas shows da mintgamai 30 minutas envidan els il public da sautar e da chantar cun els! Il president dal Cussegl naziunal Martin Candinas beneventa ils uffants.
Cumenzament a las 11.00 ed a las 13.00, mintgamai en la halla a cupla

Magia en la sala dal Cussegl dals chantuns
In striun fa surstar il public cun ses trics!
Cumenzament dal spectacul mintgamai a las 10.00/12.00/14.00/15.30

Bar da sirup en il Café Vallotton
Ils uffants survegnan in sirup gratuit a la bar da l'anteriura stanza da gasettas.

Ulteriuras attracziuns
In quiz, clowns, buttuns politics, balluns e dapli spetgan Vus ed ils uffants en l'edifizi dal parlament.

Visitar libramain l'edifizi dal parlament
Scuvri independentamain la sala dals pass pers, la halla a cupla, la sala dal Cussegl naziunal e la sala dal Cussegl dals chantuns. Nossas guidas e noss guids As infurmeschan gugent davart l'istorgia e davart l'architectura da l'edifizi.

Vegni sperasvi – nus ans legrain da bleras fatschas cuntentas d'uffants e da creschids!

Fotografias: Di dals uffants 2022, Servetschs dal parlament

Fotografias: Di dals uffants 2022, Servetschs dal parlamentFotografias: Di dals uffants 2022, Servetschs dal parlament

© www.schwiizergoofe.ch