Qua chattais Vus tut las infurmaziuns impurtantas en connex cun Vossa visita da la Chasa federala durant las sessiuns.
Custs
Vus pudais persequitar las debattas ed As participar gratuitamain a l'ura da dumondas cun in commember da las Chombras federalas ed a l'occurrenza d'infurmaziun en la halla a cupla.
Entrada per visitaders
L'entrada per visitaders è cuntanschibla via la Terrassa federala. Sin la terrassa arrivais Vus nà da la Plazza federala via las stgalas a dretga u a sanestra da la Chasa federala. Charrotschas d'uffants ston vegnir deponidas a l'entrada per visitaders.
Visita en sutga cun rodas
Visitadras e visitaders en sutga cun rodas utiliseschan p.pl. l'entrada nord a la Plazza federala.
Visita en sutga cun rodas u cun rollatur
Persunas en sutga cun rodas u cun rollatur prendan l'entrada da la vart da la Plazza federala. Per plaschair scalinar. Persunas en sutgas cun rodas na pon betg persequitar las debattas giu da la tribuna dals aspectaturs. I vegn però garantì da pudair guardar la transmissiun al visur en autras localitads. En cas da dumondas contactai per plaschair la suandanta adressa: (sessionsbesuche@parl.admin.ch).
Visita cun impediment da la vesida
Per visitadras e visitaders cun in impediment da la vesida stat a disposiziun ina descripziun curta da la Chasa federala en scrittira da Braille.
Midadas da l'urden dal di a curta vista
Resguardai p.pl. ch'ils temps da sesida da las Chombras federalas previs pon vegnir scursanids a curta vista u che las sesidas pon vegnir stritgadas dal tut. Sut questas cundiziuns n'ha betg lieu la visita sin tribuna ed eventualmain era betg l'ura da dumondas cun il cussegl, quai che avess per consequenza che l'entira visita vegniss stritgada.
Fotografar e filmar
Fotografar e filmar giu da las tribunas è scumandà.
Uregliers / translaziun
Per pudair persequitar la translaziun simultana da las debattas As stattan a disposiziun gratuitamain uregliers.