Il Servetsch da las relaziuns publicas avra puspè las portas da l’edifizi dal parlament il di da la festa naziunala. Il 1. d’avust pon vegnir visitadas da las 9.00 fin las 16.00 la sala dal Cussegl naziunal e la sala dal Cussegl dals chantuns, la halla da la cupla ed ils locals da sesida da la 3. auzada che n’èn normalmain betg averts per il public.
Da las 10.00 fin las 11.00 respundan il president dal Cussegl naziunal Ruedi Lustenberger ed il president dal Cussegl dals chantuns Hannes Germann durant in’ura Vossas dumondas. Il discurs vegn moderà da la correspundenta da la Confederaziun da radio SRF Géraldine Eicher. Differents posts d’infurmaziun orienteschan las visitas davart l’edifizi istoric e modern.
I dat blera musica en ed enturn l’edifizi dal parlament: il “Büchel Duo Wigger” da l’Entlebuch cun tuns da tiba, il “Duo Nostranello” dal Tessin cun mandolina e ghitarra, il “Duo Jura Folk” dal Giura cun accordeon e saxofon ed il “Chor d’affons” dal Grischun.
Intginas “persunalitads bernaisas” (acturas ed acturs da StattLand) vegnan a visitar sur mezdi la Chasa federala.
Il Café “Zeitungstimmer” è avert.
Berna, 10-7-2014