Program
Sonda, ils 9 d'avrigl 2022, da las 9.00 fin las 17.00 (entrada fin las 16.00), entrada libra. Document d’identitad / passport sur 16 onns.
En cas da grondas fullas ston ins quintar cun temps da spetga tar la controlla da segirezza.
Magia en la sala dal Cussegl dals chantuns
In striun fa surstar il public cun ses trics!
Cumenzament dal spectacul mintgamai a las 10.00/12.00/13.30/15.30
Gea, na, abstenziun! – Co nascha ina lescha?
En ina lingua chapaivla per uffants decleran nossas guidas e noss guids als pli giuvens, tge ch'èn las incumbensas dal parlament. Inclusiv votaziun.
En la sala dal Cussegl naziunal a las 11.00/14.30
Bar da sirup en il «Café Vallotton»
Ils uffants survegnan in sirup gratuit a la bar da l'anteriur «Zeitungszimmer».
Ulteriuras attracziuns
In clown, balluns, crear in buttun politic e dapli spetgan Vus ed ils uffants en l'edifizi dal parlament.
Exposiziun «Materia Helvetica»
En l'edifizi dal parlament vegn actualmain mussada in'exposiziun davart las materias primas mineralas da la Svizra. «Materia Helvetica» po vegnir visitada libramain durant il di da las portas avertas.
Visitar libramain l'edifizi dal parlament
Scuvri en moda independenta la sala dals pass pers, la halla a cupla, la sala dal Cussegl dals chantuns e la sala dal Cussegl naziunal. Nossas guidas e noss guids cumpetents As dattan gugent scleriment davart l'istorgia e davart l'architectura da l'edifizi.
Vegni sperasvi – nus ans legrain da bleras fatschas cuntentas d'uffants e da creschids!
Fotos: Béatrice Devènes, Parlamentsdienste