Program
Sonda, ils 14 d'october 2023, access sur l'entrada da visitaders da las 9.00 fin las 16.00.
L'occurrenza dura fin las 17.00. Entrada gratuita.
Persunas da 16 onns e pli veglias ston preschentar in document d'identitad.
En cas da grondas fullas ston ins quintar cun temps da spetga tar la controlla da segirezza. Vers la fin da l'occurrenza vegn la colonna da visitaders limitada davant l'entrada, quai tut tenor il temp da spetga.
Visitar libramain l'edifizi dal parlament
Scuvri en moda independenta la sala dals pass pers, la halla a cupla, la sala dal Cussegl naziunal e la sala dal Cussegl dals chantuns. Chargiai l'app «Guid audiovisual, Chasa federala» sin Voss smartphone e tadlai bleras istorgias captivantas. U dumandai las guidas ed ils guids dals Servetschs dal parlament al lieu. Ellas ed els As pon raquintar bleras chaussas interessantas davart il manaschi dal parlament, l'edifizi e sia architectura.
Istorgias davart il giubileum «175 onns Constituziun federala» (durada 20 min.)
En la sala dal Cussegl naziunal
tudestg, a las 10.00, 14.00, 16.00
franzos, a las 11.00, 15.00
talian, a las 12.00
Infurmaziuns davart il parlament (durada 20 min.)
En la sala dal Cussegl dals chantuns
tudestg, a las 11.30, 14.30, 15.30
franzos, a las 9.30, 12.30
talian, a las 13.30
Stanza 4
Per il giubileum da 175 onns da la Constituziun federala ha la fatschada da l'edifizi dal parlament survegnì la nova ovra d'art «Tilo». Guardai en la stanza 4 il film cun interessantas infurmaziuns cumplementaras davart il svilup da l'ovra.
Lingua: tudestg svizzer cun suttitels franzos e talians
Quiz al stan d'infurmaziun
Giai a la tschertga da simbols e da maletgs en l'edifizi dal parlament.
Sco regurdientscha As spetgan pitschens premis.
Cafetaria
Giudai in refrestg en in ambient elegant en la cafetaria en il «Zeitungszimmer».
Vegni sperasvi – nus ans legrain da Vossa visita!