Er quest onn vegn purschì a las visitadras ed als visitaders in program multifar en l'edifizi dal parlament il di da la festa naziunala. Ultra da la halla a cupla, da la halla dals pass pers sco er da las stanzas dal Cussegl naziunal e dal Cussegl dals chantuns po vegnir visitada libramain er la stanza dal Cussegl federal en la Chasa federala vest. Il punct principal dal program è la discussiun averta cun Thomas Hefti (PLD/GL), il president dal Cussegl dals chantuns. Da las 10.00 fin las 10.45 respunda el las dumondas da las visitadras e dals visitaders en la sala dal Cussegl naziunal. La discussiun vegn moderada e translatada simultanamain. Da las 11.30 fin las 12.00 (en la Chombra pitschna) dat Thomas Hefti scleriment davart ses onn d'uffizi e davart sias experientschas en il Cussegl dals chantuns.
Plinavant pon ils giasts visitar l'exposiziun davart las materias primas mineralas da la Svizra «Materia Helvetica». Il team da las visitas guidadas als dat ultra da quai infurmaziuns davart l'architectura e davart l'istorgia da la Chasa federala. Il program vegn cumplettà cun musica dal duo da tibas «Timorosso» e dad «Evelyn e Kristina Brunner».
Qua chattais Vus infurmaziuns davart l'occurrenza dal 1. d'avust en l'edifizi dal parlament.finden Sie weitere Informationen zum 1. Augustanlass im Parlamentsgebäude.