«Per mai èsi impurtant da mussar la diversitad da la Svizra e da rinforzar las relaziuns internaziunalas sin plaun parlamentar», di il president dal Cussegl naziunal Martin Candinas. Perquai envida el las ambassaduras ed ils ambassadurs en sia patria. Mesemna, ils 30 d'avust 2023, vegnan las diplomatas ed ils diplomats ch'èn accreditads en Svizra, a viagiar en il Grischun ed a scuvrir las varts multifaras dal chantun da muntogna: Il program maina en l'interpresa da tecnica medicinala ch'è activa sin l'entir mund, Hamilton, en il pittoresc vitg da Heidi e la finala al bainvegni uffizial da la Regenza dal chantun Grischun, che ha lieu en il Center da furmaziun agricula Plantahof. Il rom informal duai permetter da promover il dialog in cun l'auter e da sa colliar.
INFURMAZIUN PER LAS COLLAVURATURAS ED ILS COLLAVURATURS DA LAS MEDIAS
Schurnalistas e schurnalists pon accumpagnar l'occurrenza uffiziala. Il transport vegn organisà dals Servetschs dal parlament. Il dumber da participantas e participants è limità. Annunzias vegnan acceptadas fin venderdi, ils 18 d'avust 2023, tar information@parl.admin.ch. Las annunzias vegnan resguardadas tenor la successiun da lur entrada. Ulteriuras infurmaziuns suondan cun la conferma.