Ils Servetschs dal parlament avran il di da la festa naziunala las portas da l’edifizi dal parlament. Il 1. d’avust han las interessentas ed ils interessents la pussaivladad da visitar da las 9.00 a las 16.00 la sala dal Cussegl naziunal e dal Cussegl dals chantuns, la halla a cupla, la Sala dals pass pers e da nov la Biblioteca dal parlament sco er las stanzas da sesidas dal Cussegl federal en la Chasa federala vest. A las 10.00 respundan il president dal Cussegl naziunal Jürg Stahl ed il president dal Cussegl dals chantuns Ivo Bischofberger las dumondas dal public.
Tar differents posts d’infurmaziun pon ils giasts s'orientar davart l’edifizi istoric. Surpraisas musicalas contribueschan per l’ina la gruppa «Stadtmusik Illnau-Effrektikon» ed la gruppa
«Stríchmusig: Neff», «L’Académie Suisse de Cor des Alpes» sco er las acturas ed ils acturs da «StattLand». En la stanza da cumissiuns 286 vegn mussà il film «Zimmer 286» che tematisescha la lavur en las cumissiuns. En la stanza da cumissiuns 287 vegn mussà il Film davart la lavur dal Bulletin uffizial. Ultra da quai èn avertas las stanzas da cumissiuns 2,4 e 5, nua che vegn mussà il film «Erklär‘ mir das Parlament» en las trais linguas uffizialas.
Il café «Zeitungszimmer» è avert.