L'edifizi dal parlament è avert per las visitadras ed ils visitaders: Las salas da las duas chombras, la sala dals pass pers e la halla a cupla, l'exposiziun «Materia Helvetica» sco er la stanza da sesidas dal Cussegl federal en la Chasa federala vest pon vegnir visitadas libramain. En la sala dal Cussegl naziunal ha lieu in discurs da public moderà e translatà simultanamain cun il president dal Cussegl dals chantuns Thomas Hefti. Las guidas ed ils guids dal parlament dattan scleriment durant tschertas uras davart il manaschi parlamentar e davart il monument architectonic istoric. En la stanza da cumissiuns 286 vegn mussà il film «Zimmer 286». In rom musical ed il Café Zeitungszimmer avert cumpletteschan il program.
Uras d'avertura: Glindesdi, il 1-8-2022, da las 08.30 fin las 16.30, entrada fin a las 15.30, entrada libra.
Sala dal Cussegl naziunal da las 10 fin las 10.45: Il president dal Cussegl dals chantuns Thomas Hefti respunda las dumondas da las visitadras e dals visitaders. Il discurs vegn translatà simultanamain en franzos ed en talian.
Sala dal Cussegl dals chantuns 11.30 – 12.00: Il «Stöckli» ord vista dal president dal Cussegl dals chantuns Thomas Hefti ed explicaziuns davart la sala sut l'aspect da l'istorgia d'art tras il Servetsch da visitaders dals Servetschs dal parlament.
Infurmaziuns davart l'edifizi dal parlament e davart il manaschi parlamentar:
- Sala dal Cussegl naziunal: 09.00 / 11.00 / 12.00 / 13.00 / 14.00 / 15.00 / 16.00
- Sala dal Cussegl dals chantuns: 09.30 / 11.30 / 13.30 /14.30 / 15.30
La stanza da sesidas dal Cussegl federal en la Chasa federala vest, nua che las sesidas emnilas da la regenza naziunala han lieu, è averta e po vegnir visitada. Passadi en il 1. plaun da la vart vest.
L'exposiziun «Materia Helvetica» tematisescha il diever da materias primas mineralas en Svizra e po vegnir visitada senza preannunzia. Ulteriuras infurmaziuns survegnis Vus a l'infopoint en la sala dals pass pers u sut www.materia-helvetica.ch
Il film «Zimmer 286» vegn mussà en la Stanza da cumissiuns 286 (tudestg/suttitels franzos, 2015) e dat ina invista captivanta da la lavur parlamentara en las cumissiuns.
Il Café Zeitungszimmer è avert e porscha snacks e bavrondas.
Musica: Il duet da tibas «Timorosso» ed il duet «Evelyn und Kristina Brunner» sunan en differents lieus en ed enturn l'edifizi dal parlament.
Ina concurrenza per grond e pitschen spetga sin tut las visitadras ed ils visitaders (halla a cupla, maisa d'infurmaziun).
Guid audiovisual Chasa federala: Installai l'app sin Voss smartphone ed As rendai sin in'audiotura tras l'edifizi dal parlament. U tscherni la tura exteriura, sin la quala Vus vegnis a savair bleras chaussas captivantas davart las instituziuns federalas a Berna.
Preschentar la carta d'identitad u il passaport a partir da 16 onns.
En cas da grondas fullas ston ins quintar cun temps da spetga pli lungs a la controlla da segirezza.
Midadas resalvadas. Vegni ad ans visitar – nus ans legrain da Vossa visita!