Ils
17 da matg 2025 avran ils Servetschs dal parlament las portas e porschan in program multifar oravant tut per las visitadras giuvnas ed ils visitaders giuvens
Sonda, ils 17 da matg 2025, da las 9.00 fin las 17.00, access sur l’entrada principala e sur l’entrada da visitas fin las 16.00 (sche necessari, vegn la colonna da spetga schliada). Entrada libra.
Persunas da 16 onns e pli veglias ston preschentar in document d’identitad uffizial.
En cas da grondas fullas ston ins quintar cun temps da spetga tar la controlla da segirezza.
Puncts culminants dal program
Show da magia en la sala dal Cussegl dals chantuns
In striun fascinescha il public cun ses trics che fan surstar!
Represchentaziuns mintgamai a las 10.00, 12.00, 14.00, 15.30
Ils uffants dumondan – la presidenta respunda
La presidenta dal Cussegl naziunal Maja Riniker prenda temp per respunder a las dumondas dals uffants.
En la sala dal Cussegl naziunal a las 13.00
Gea, na, abstenziun! – Co nascha ina lescha?
En ina lingua chapaivla per uffants decleran nossas guidas e noss guids, tge ch'èn las incumbensas dal parlament, ed els simuleschan ina votaziun.
En la sala dal Cussegl naziunal a las 11.00 ed a las 14.30
Bar da sirup en il Café Vallotton
Ils uffants survegnan in sirup gratuit a la bar da l'anteriura stanza da gasettas.
Visitar libramain l'edifizi dal parlament
Scuvri independentamain la sala dals pass pers, la halla a cupla, la sala dal Cussegl naziunal e la sala dal Cussegl dals chantuns. Nossas guidas e noss guids As infurmeschan gugent davart l'istorgia e davart l'architectura da l'edifizi.
Questas ed
autras attracziuns spetgan Vus ed ils uffants en l’edifizi dal parlament. Vegni sperasvi – nus ans legrain da numerusas visitadras e visitaders e da bleras fatschas d’uffants traglischantas!
Adatg! Per il di da las portas avertas ils 17 da matg 2025 tschertgain nus
reportras u reporters d’uffants mirveglius (12 – 16 onns) da tut las regiuns linguisticas.
Tia incumbensa:
- Fa intervistas, videos u fotos durant il di dals uffants – areguard tia creativitad na datti nagins cunfins!
- Tias contribuziuns cumparan sin ils
chanals da social media dal Parlament svizzer. Nus t’accumpagnain tar quai.
Uschia t’annunzias ti:
Ans trametta fin ils 6 da matg 2025 in curt video (max. 15 MB) a
junior@parl.admin.ch ed ans raquinta, pertge che ti vuls esser da la partida!
Tes premi:
- In di captivant sco reportra u reporter en la Chasa federala
- In pitschen regal per t’engraziar
- In sguard davos las culissas da la politica!
Maletg: Yoshiko Kusano/Servetschs dal parlament
Guid audiovisual, Chasa federala: installai l’app gratuita sin Voss smartphone e cumenzai Voss gir audiovisual tras l’edifizi dal parlament.
Apple und Android
